Bjordi i “Big Brother”: Martesë gay në Shqipëri, pse jo

Në fakt është një diskutim, që kur ngrihet mes personash shkakton ose heshtje, të qeshura, ose injorim. Kjo dëshmon faktin që ende shqiptarët nuk janë gati. Por ndoshta do ishte kurioze të dinim se cili mund të ishte opinioni i një personazhi të njohur, nga një “reality show” nëse është pro ose kundër legalizimit të martesave të të njëjtit seks, një premtim tashmë i bërë nga Kryeministri Berisha. Bjordi Mezini i rritur në një tjetër mentalitet perëndimor nuk e ka problem të japë opinionin e tij. Ndërkohë që është duke pritur fillimin e projekteve të tij në “Top Channel” dhe
kinema, nuk mund tregohet aq indiferent përsa i përket realitetit shqiptar,
edhe pse është cilësuar si natyrë indiferente. Aq më tepër tani, që ka vendosur të krijojë një jetë të re në Shqipëri me projektet artistike, që i janë premtuar nga “Top Channel”. Por një nga çështjet aq shumë të diskutuara ka qenë pikërisht diskutimi i ngritur në lidhje me martesat gay, për të cilat ai pranon të japë opinionin e tij. Ka pohuar se, “pse jo, edhe pse nuk e ka cilësuar si diçka urgjente”. Gjithsesi pyetjet së gazetarit
se me çfarë syri i shihte këto martesa ai është përgjigjur se është “pro”
martesave të së njëjtit seks, edhe për faktin se një thyerje tabuje si kjo do e afronin Shqipërinë me vendet e Bashkimit Evropian. Ndërkohë që dhe vetë Bjordi me hyrjen e tij në BB2, për shkak të disa fotove të
publikuara nga një miku i tij në facebook, pati komente në lidhje me prirjet e tij seksuale. Paragjykimet erdhën pasi fotot ku ai sillej si “gay” në një lojë me shokët e tij, u shpërndanë në internet dhe u botuan në disa faqe gazetash dhe revistash rozë. Në fakt si fillim u hodhën këto dyshime për preferencat e tij seksuale, por që afrimi i tij me Adelën brenda shtëpisë
sikur e uli tempin e diskutimeve, duke u përqendruar gjithnjë tek kjo lidhje. Në fotot e publikuara në media me djem atëherë, Bjordi paraqitej ashtu si ata i veshur si femër, dhe me sjellje të tilla, gjë që i futi pak në
konfuzion fansat e tij që e ndiqnin non stop në ekranin e “Top Channel”. Një nga tre shokët që ishin në foto jepte koment në facebook se, “nuk jam i gatshëm të jap vlerësime pse nuk jam gay”, ndërsa më pas e cilësuan thjesht lojë shoqërore. Nisur pikërisht nga këto diskutime që nga vetë Bjordi dhe e ëma Antoneta u quajtën abuzime, ne menduam t’ia
bëjmë këtë pyetje Bjordit, i cili nuk shprehu asnjë lloj kompleksi. I vetmi problem për të është se nuk është një çështje urgjente për Shqipërinë,
dhe se para saj ka probleme të tjera për t’u zgjidhur. I rritur 18 vite në
Itali ai tregon se nuk ka tabu të bëjë publik mendimin e tij qoftë edhe për një çështje delikate, siç është homoseksualizmi.

Panorama Plus